თეიმურაზ კვერნაძის იუბილე

ობსერვატორია გულითადად ულოცავს ობსერვატორიის დაკვირვებითი პროგრამების კოორდინატორს, ბატონ თეიმურაზ კვერნაძეს 65 წლის იუბილეს.

ბატონი თეიმურაზი წლებია ხელმძღვანელობს ობსერვატორიის სამეცნიერო ინფრასტრუქტურის ტექნიკური უზრუნველყოფისა და განვითარების სამსახურს. ამ მეტად საპასუხისმგებლო თანამდებობიდან იგი ზრუნავს ობსერვატორიაში არსებული სამეცნიერო და ტექნიკური აღჭურვილობის გამართულ მუშაობასა და განვითარებაზე. მისი ხელმძღვანელობით წარმატებით ფუნქციონირებს ახალი, 1.5 მეტრიანი, რობოტული ტელესკოპი ASA-15, რომელიც ობსერვატორიის კვლევებს უნიკალურ შესაძლებლობებს სძენს.

ბატონი თეიმურაზი აქტიურად არის ჩართული სამეცნიერო კვლევებშიც. მისი სამეცნიერო ინტერესები მოიცავს მზის ფიზიკისა და სპექტროპოლარიმეტრიის კვლევებს, მიკრო-გრავიტაციული ლინზირების დაკვირვებების საერთაშორისო პროგრამებს. მისი ნაშრომები ასახავს მრავალფეროვან ინტერესებს დაწყებული მზის ატმოსფერული პროცესებიდან ეგზოპლანეტების აღმოჩენითა და ღრმა კოსმოსის ობიექტების დაკვირვების ჩათვლით. ბატონი თეიმურაზი, ასევე, არის საერთაშორისო ასტრონომიული კავშირის წევრი.

ობსერვატორიის ადმინისტრაცია და მისი კოლექტივი გულითადად ულოცავს ბატონ თეიმურაზს ღირსშესანიშნავ საიუბილეო თარიღს და უსურვებს ჯანმრთელობას, ბედნიერებასა და წარმატებებს შემდგომ სამეცნიერო საქმიანობაში!